سياسة الخصوصية
آخر تحديث: 8 نوفمبر 2026
السياسة دي بتغطي إضافتين لمتصفح كروم من تصميم محمد بهاء الدين: BAHAA AGENCY ADS وBahaa's Story Tool.
باختصار: الإضافتين مش بيجمعوا أي بيانات عنك، ومفيش أي سيرفر تابع لي بيستقبل حاجة. اللي بتختاره بيتبعت مباشرة لـ Google Gemini بمفتاحك انت، وكل الباقي بيفضل على جهازك.
المشترك بين الإضافتين
- مفتاح Gemini API متخزّن في مساحة الإضافة على متصفحك (
chrome.storage.local)، ومش بيتبعت لأي مكان غير Google. - لما تدوس توليد أو تحليل، الإضافة بتبعت النص أو الصورة اللي انت اخترتها ومعاها تعليمات الكتابة مباشرة لـ Google Gemini (
generativelanguage.googleapis.com). Google بتتعامل معاها حسب سياسة خصوصية Google وشروط Gemini API. - مفيش إحصائيات استخدام، ولا تتبّع، ولا إعلانات، ولا بيع أو مشاركة بيانات مع أي طرف.
- تقدر تمسح كل البيانات من جوه الإضافة، أو بإنك تشيل الإضافة من المتصفح.
BAHAA AGENCY ADS
- على جهازك: السجل والمشاريع المحفوظة والإعدادات، وآخر صورة اخترتها ومعاها عنوان الصفحة ورابطها.
- الوصول للمواقع: علشان زرار «BAHAA ADS» يظهر فوق الصور، وعلشان تحمّل الصورة اللي انت اخترتها. الزرار مش بيقرا ولا بيبعت أي حاجة غير لما تدوس عليه، والإضافة مش بتقرا محتوى الصفحات ولا بتسجّل المواقع اللي بتزورها.
- باقي الصلاحيات: التخزين (storage)، وقائمة الكليك يمين (contextMenus)، واللوحة الجانبية (sidePanel).
Bahaa's Story Tool
- على جهازك: المشاريع (الأفكار والقصص والشخصيات والمشاهد)، ومكتبة الشخصيات، والصور المرجعية وصور المشاهد اللي بترفعها. علشان كده الإضافة بتطلب مساحة تخزين مفتوحة (unlimitedStorage).
- بيتبعت لـ Gemini: بيانات المشروع اللي محتاجها الطلب، والصورة لما تطلب «اكتب الوصف من الصورة» أو «اكتب برومبت الفيديو من الصورة».
- الوصول للمواقع اختياري: الإضافة مش بتشتغل جوه أي صفحة. بتطلب إذن الموقع بس لما تبعت صورة منه بالكليك يمين، وده علشان تحمّل الصورة دي وبس.
- باقي الصلاحيات: التخزين (storage)، وقائمة الكليك يمين (contextMenus)، واللوحة الجانبية (sidePanel).
التواصل
أي سؤال عن الخصوصية ابعته على info@mohamedbahaa.org أو على إنستجرام @bahaa.adesigner.